(( دبوس مصدي )) سامحوني النهارده هقول كلام من غير أوزان أصل الحروف بتبكي وجالها حالة جنان مش ممكن أبداً يكون ده فاهم حرف واحد من القرأن او حتىٰ يكون ضميره يعرف شئ عن الأديان يا خسارتك يا أنسان أصل الحكايه يا ولاد بلدنا مش ممكن ابداً يكون من بلدنا واخد خسيس بكل بساطه يشد الفتيل ويقتل ولادنا دبوس ودايس علىٰ الكنايس حتىٰ الجوامع وملهش كاسر دبوس مصدي مسبش حد إلا ما لوث تراب بلادي وبلاد تانيه بتحب السلام وصحيت من النوم ذي كل يوم لاقيتني ماشي في الشوارع ببكي حلم ده وللا كابوس في كل ركن ألاقي دبوس راشق ومش عاوز يبعد عننا وبقول لنفسي ده لو شرب من نيلها كان ممكن يغنيلها ومش ممكن ابداً يخونها ومشيت وانا خايف من الأهوال ابكي عليا وللا علىٰ اللي حواليا الصرخه سوريه والدمعه ليبيه والأه عراقيه والصيحه يمنيه والقضيه فلسطينه والأم هي بلدنا مصريه وارجع واقول الامه العربيه مالها مالها بجد ايه اللي جرالها الشوطه جت في كل مكان وصرخة الشهيد بدون عنوان الله يرحم ايام زمان كنا أيد واحده ووطن واحد يهاب منه كل جبان واخر كلام هقوله لو قعدت اليوم بطوله عمري ما ألاقي كلام عن جيشنا أقوله يا شعب طيب من بعضه قريب في الحزن قبل الفرح ديماً يبان الأصل دبوس ودايس علىٰ الكنايس حتىٰ الجوامع وملهش كاسر غير صيحه واحده من جيشنا يا مصرنا دبوس مصدي اخرته دكه دعاء يقولوا كل مصلي من ارض مكه يارب انصرنا علىٰ عدونا الفيلســـــــوف العاشــــــــق حســــــــن هاشــــــم 16 اغسطس 2018