عاوزه تندمي
انا اللى هوريكى الندم
علشان قلبى اللى حبك
وف حبك ياما انظلم
كل يوم كنت عايش فيه
لكنى حاسس فيه بالعدم
هعرفك يعنى ايه معنى الالم
لازم اخد منك دموعك
تمن قلبى اللى اتظلم
هخليكى تعيش بس روح
وتجربى وجع قلبك المجروح
قلبى اللى ياما دق لك
وكل دقه كانت بتحنلك
ومن دون الناس ارتحت لك
طب هو ايه اللى عملته
على جرح قلبى يجبرك
قلبى خلاص هستغنى عنه
لو خان ف يوم وحن لك
انا اللى كنت عارف عيوبك
وقدام الناس برضه اجملك
خلاص قلبى مات لمانجرح
وانت اللى بإيدك جرحتى
علشان كده بقولك خلاص
قلبى مش قادر يتحملك
سبينى وحدى اكمل طريقى
شوفى حد قلبه ميت
علشان يقدر يستحملك
اما قلبى انا منك تعب
ولا عادش بيحن لك
الشاعر عزالدين جبريل
