( اوعى تيأس )
اوعي تيأس م الحياه
مهما كانت الظروف
ايوا فيها الف اه
فيها ظلم قهر خوف
فيها ناس ملهاش قلوب
مقفله كل الدروب
اي حاجه ليك دي عيب
وهما ملياهم عيوب
ايوا عارف ان الجرح فيك
بيوجع
ومفيش دوا بيشفي الجروح
ولا شئ بيرجع
ومفيش في ايدك الا بس
عنيك بتدمع
بس اوعي تيأس م الحياه
هتقولي ليه وانا الغريق
ومش لاقي طوق النجاه
ويقولوا جاني وانا البرئ
وهو دا طعم الحياة
شارب مرارها
محروق في نارها
واهوا دا اثارها
وجع واه
وحتي الحلم
اهو راح وتاه
بردو هقولك
اوعي تيأس م الحياه
وادعي لربك بدون ملل
راح يشفي جرح ما يحتمل
واصبر شويه راح تروق
وهتلاقي قدامك امل
بيفتحلك أبواب كتير متقفله
ووقتها هتلاقي سهله المسألة
بس انت حاول اوعي تضعف
ياما القلوب متحمله
واكيد في حد من بعيد
بيخاف عليك ونفسه تفرح
نفسه يقولك ويناديك
وخاف لتجرح
دور عليه واهتم بيه
وانسي الوجع
وفي عينه اسرح
اسمع كلامي وجربه
راح تخسر ايه
لا مش هنخسر
قد اللي وقعنا فيه
دي دنيا رايحه بللي فيها
يبقي خلاص راح نبكي ليه
#حبيب_علي
