نص باللهجة العامية بعنوان  ...مرتي. ..

.............................................
يا مرتي أوعي تأسي عليي الله يخليك
حاج تسقي وتنقي خفي حرام عليك
عم إشتغل ليل نهار وعلى طول بدي أرضيك
وانت على طول غضبانة وما عم إقدر حاكيك
بدك جبلك سيارة وسرلنكية تلبيك
وبدك أحلى اسوارة تلبسيها بإيديك
وبدك شقة مفروشة والفرش يكون ملوكي
لبيتلك طلباتك ومافي شي عم يرضيك
كرهتيني حياتي وما عم حب إجي عالبيت
أول ما بحكي كلمة بتصبي عالنار الزيت
وبتقوليلي تعبانة ومن هالعيشة أنا مليت
وعلى طول الحق عليي وما عم أعرف شو ساويت
ودوم ندوم بتلطشيني بكلامك وبتأذيني
وعلى طول أنا عندك غلطان وبجوك خانقتيني
فوق طاقتي لا تحمليني لأني ما عاد فيني
وإذا ما غيرتي حالك يا مرتي بتخسريني. 
........................................................
د.ملك محمود الأصفر