(لازم نعيش)

بلاش تعيش في ذكرياتك
دا الماضي كله وجع كتير
دور علي فرحه في حياتك
افرد جناحك ويلا طير
هيفيد بايه تقعد حزين 
ما الكل رايح 
ما كفاية تعبانا السنين
وانسي اللي جارح
انسي اللي فات 
والذكريات 
مفاضلش غير
غير حبة حاجات
يادوب نعيشها
في اللي جي من عمرنا
خلي اللي فات كان عندهم
والنهارده جي عندنا
مهو مش هنفضل مسجونين
جوه الألم واربع حيطان
جوه الكلام جوه الملام
ومفيش امان
لازم نكسر الحواجز
لازم نعيش
ولا يبقي حد فينا عاجز
ما خلاص مفيش
كل الكتب اتفتحت 
وعرفنا مين خايف علينا
وللاسف طلع مفيش
ومدام هي كدا الحياة
متصوره ومتزوقة
واصلها غش وخداع 
وبحور غريقة
وعليها ريش
تاخد ما تدي
تيجي تخطي
تغرق يا ولدي 
يبقي خلاص 
لازم نعيش
لازم نعيش
#حبيب_علي