لسه بدرى ع الغياب 

خليك معانا كمان شوية 
مشبعناش منك ثواب
كل ما فيك اجمل هدية 
الجنة فاتحة كل باب
لكل تايب نفسه عصية
الصلاة والصوم والقيام 
واللسان حلو الكلام 
واستغفار واللقمة هنية 
لسه بدرى ع الغياب 
ياللى بتغيب عنا عام
خلَّصتْ ايامك قوام 
مشبعناش منك ثواب
كأنك لسه جاى عشية
ياترى هتعود وتلاقينى 
ولا آخر عهدى بيك 
صُمتك انا طول سنينى
رب العباد وصى عليك 
رمضان غفران ورحمة
ثواب كبير يوم الحساب
...........                                          على حافظ المصرى