((**وأخرتها إيه**))

     **  **  **

مش قادره أصدق كلامك
راح فين حبك وغرامك
وتوهتك وانا قدامك
وطيفي اللى ساكن خيالك
معقول ترتاح لوحدك
دى راحتي كانت راحتك
وفرحي انا كان فرحك
وغيابي عنك كان جرحك
نستني بجد ياقلبك
أنا اللي قلبي بيحبك
وهوايا سكنته دربك
وشقايا فى بعدى عنك
أخرتها إيه قولي
محيرني معاك تملي
قصدك يعني تشغلني
ولا معاك تحيرني
ماتقولشي كدا تاني
معقول تقدر  تنساني
كنت بتقولي بتهواني
إنت اللى حبك أحياني
وإنت نبض لوجدااااني
فاكر كلامك ليا
كنت ديما تقولي
إنتي اللى ليا تملي
إنتي ياقلبي نبضي
بيا ياعمري حسي
كان مجرد كلام
راح فين الغرام
ولا دا كان أوهام
كلمه اخيره هقولها
مش هتفرق معايا تاني
لأنك فى حبك أناني
وقت ماتحب تهواني
ووقت ماتحب تنساني
مش هتفرق معايا تاني
  ودي أخر كلامي
      **  **  **
فاطمة عبد الشافي