((( معلش يا قلبى )))
معلش يا قلبى النوبة
جرح وهيعدى قوام
هى عينيك كانت معصوبة
ما تهدى يا قلبى و نام
وأياك يا قلبى يجيلك
من تانى فى الأحلام
راح ننسى لمسة أيده
يا حبيبى مع الأيام
معلش يا قلبى النوبة
جرح وهيعدى قوام
لساك يا قلبى بتحكى
قصة عذاب وغرام
ولا مرة كنت بتشكى
وبتنسى جرحك منه
ده بجد يبقى حرام
معلش يا قلبى النوبة
جرح وهيعدى قوام
من تانى عايز تكتب
مراسيل حب وغرام
أياك على نفسك تكذب
وتقول بكتبله ملام
ده أحساسى اللى بيوصلك
وكل اللى بيحصلك
لقيودك راح يكسرلك
ونرجع من تانى نقولك
معلش يا قلبى النوبة
جرح وهيعدى قوام
هى عينيك كانت معصوبة
ما تهدى يا قلبى ونام
’’ طائر الأحزان ’’
