بغيت نتكلم 

لساني تلعتم 
بغيت نكتب ونظم 
بغيت نبني السور...?
 لقيت ساسوا معلول مهدم 
الحال محموم 
بحر الحروف منسوم 
خاني العوم 
نقطف مالحروف مشموم 
بغيت نحكي شي حكاية 
المداد خاني 
ما رضا يتعاون معيا 
هربت الكلمة على الورقة 
فقدت فيها التقة 
بانت على الحقيقة 
مادونة وثيقة 
ما بقيت نعرف 
بغيت غير نوقف 
بديت نقفقف 
خانوني ركابي بديت نرجف 
فبلادي ما بقيت نعرف 
اش هاذ الظرف 
فبلادي غريب 
أرجعت عايش بحال الذيب 
أرجعت مشدود بين صنارة وسبيب 
اهنا خاب آمال الكاتـب والأديب 
اهنا أصبح الامال فبلادي مخيب

......بقلم عادل الغيوان. ........