كفاية حرام

كفايه يا شله نصابه

كفايه حرام
تعالوا وشوفوا الغلابه
من غير عشا بتنام
وانتوا بتلهطوا القشطه
وفيه ناس ياما بتشقه
كفايه عليهم الايام
دا فيهم ياما متمرمط
وفيهم م الشقى محنط
وتيجي كمان وتتسلط
كفايه يا شله الاعدام
اكيد طبعا ما يشغلكوش
دا نام تعبان 
ودا حزنان على عياط
الولد م الجوع
قدرت ف يوم
تنام وابنك تسيبه جعان
اكيد ممنوع 
دا انت من الشبع مفجوع
ودا الغلبان ينام مفزوع
وانت تنام على الانغام
حرام يا جبان
اكيد نفسك شايفها بخير
هتسأل ليه في حال الغير
ما انت كبير  
وعايش فيها بالتزوير
وموت يافقير 
عشان مالكش فيها مكان 

الشاعر بلبل عثمان