👑مملكة روائع الشعر الأدبية 👑.قصيدة:متصدقيش للشاعر:حمدي منصور

الرجوع إلى قائمة المقالات

(((( متصــدقيــــِش ))))

واللــى يحلـف أنـه ليكـى 
أوعـــى مــــرة تصدقيــه
دارى خبى دمـوع عنيكى
بضحكــة وأنتـى تكشفيـــه !!
وأمسحى من الشات رسايله
وأمسحى أرقــام موبايلــه !!
يلعــن الحــب وعمايلـــــه
وقلبــــك تـانـــى أقفليـــــه !!
أكسفيـــه لـو جـه وحايــلك
وأوعى تانى تجيبى سيرتهُ
هو مــش حافـظ جمايـــلك
أنتى صــورة مـن حبيبتــهُ
ياما حب كتيير قبلك
ياما عـذب اللى قبلك
يالا جه الـدور عليـه !!
ولا أيـــه رأى جنـابــك ؟
خايفــة تانـى تحنى ليـه ؟
لأ.. ياريته لعـب وسابـك
أنتــى بتحبـى المتـاعــب
رايحــة ليـه تدقـى بابـــه
خليـــه هــو يـدق بــابــك
لجــل مـا تحـلــى هـــواه
ليه يكـون محـور حياتـك
وأنتـى مـش فارقـة معــاه
ليه بيرضى يشوف عـذابك
وأنتـى مـش شايفــه ســـواه
تعـرفـى لـــو راح وسابـــك
بكره يعرف 1000 غيـرك
وأنتــى مــش هتـوحشيـــه !!!
واللــى يحلـف أنـه ليكـى 
أوعـــى مــــرة تصدقيــه
دارى خبى دمـوع عنيكى
بضحكــة وأنتـى تكشفيـــه !!

’’ طـائـر الأحـــزان ’’

  • Currently 0/5 Stars.
  • 1 2 3 4 5
0 تصويتات / 31 مشاهدة
نشرت فى 7 مايو 2018 بواسطة mmansourraslan

عدد زيارات الموقع

110,805