((**على فكره**))

       **  **  **  
عشت مع غيرك مش ناكره
بس عايشه معاه على ذكرى
وكل يوم تروادنى الفكره
إن أرجع تانى وروحى 
      إليك مهاجره
أنا اما سيبتك ورحت
    لواحد تانى
 هجرت معاك أفراحي 
 وعشت معاه  أحزاني
 وعشت أيامي وياه 
وقلبي معاه بيعاني
 صدقني حسيت بالفرق 
 وأصبح قلبى وحداني
 ندمانه إني خنت العهد 
 وأتمنى أرجعلك تاني
 حضنت بإيدي شوك الورد 
 وبنكوي بنار البعد
 وصوت النغم أصبح رعد
 والبسمه الحلوه مفرقاني
 أنا النهارده رجعالك
 وجوه فى قلبي شيلالك
 شوق وحنين وأماني
 وأتمنى نرجع من تاني
 ويرضى عنى زماني
وترضى كمان إنت التاني
بلاش تحكم بحرماني
ونبعد عن بعض من تانى
 دا بعدي عنك أضناني
 وحضن قلبك شطآني
دا إنتا اللى ساكن وجدانى
 والقرب منك يحييني
  بطلت خلاص تهواني
  وحكمت عليابنسيانى
  ااااااه منك يازماني
بقيت عمري راح أعاني
وأعيش الوحده من تاني
     **  **  **  **

    فاطمه عبد الشافي