_ أكبر من سني_

عايزين نعيش طفولتنا
ذي ما عيشتوها يا أعيان
ده إحنا الغلب في جتتنا
والقلب مش ناقص هوان
ليه تهدموا علينا بيوتنا
وكراستنا تحت الجدران
لسه مش فاهمين حياتنا
حرقتوها علي الأغصان
والأنقاض دفنت حارتنا
اصبحت رماد بلا دخان
والأرض داخت من ريحتنا
لما اطفال العالم في امان
وقيمتنا دفنوها في سكتنا
إلا اطفال العرب في طغيان
عايشين في الخنادق
وعلي الحدود في حرمان
عايشين في الخيام
في عز البرد والنيران
منصوب لنا المشانق 
والقنابل والباروود
وقناصة من دمي
قتلوا اهلي بالبنادق
كأنهم  يهوووووود
والنبالم  كان  خانق
خنق الجنين في بطن أمي
اصحابي ماتوا قدامي
ودمهم طرطش  علي كمي
مش قادر أعبر بكلامي
المشهد اكبر من سني
بقيت أصحيهم من الموت
واخدهم في حضني
واناديهم بأعلي صوت
يمكن  حد  يسمعني
اتاريهم كلهم  سكوت
والدور أمتي ح يطولني !!
______________________________

.........   الشاعر حسن الشوان ..........