مأساة

لمحت فى عينها دمعة ولمعة
قالتلى يا حبيبي 
انا شوقى إليك بيضنينى
ولغيرك مانيش شايفة ولا سامعة
وهواك لساه بيكوينى
انا يا حبيبي مش طامعة
غير بحنانك بس يكفينى
فخفت ارد لاجرحها
وخفت اسكت لادبحها
وخفت تبص في عيونى
لاسرارى هتفضحها
وارد بأيه ؟ وأى جواب؟
مانيش حاسس بأى حنين
على لسانى كلام بعتاب
وفى عتابى دبحها بسكين
فى نفس الوقت خايف اكون 
وياها كداب فتهوى كلامى يا مستمعين
وتاه العقل واتحير
وعلى المر ده انا صغير
وبينى وبين نفسى 
انا مش قابل اخدعها
ولا اخدع كمان نفسى
ولنفسى احكى أقول
مانيش جان ولا قمور
ولا عاشق ياناس ولهان
ولا مسمسم ولا صغيور
وهى فى جمال شريهان
طب ايه خلاها تعشقنى
ولو حست بحبى فى يوم
ايه خلاها تصارحنى وتسبقنى
تطير من عنيا النوم
قلبى يقولى جاريها بمجالها
ولا تقفل فى وشها الباب
بتحبك شايفة انك يابنى خيالها
عيشها انت فى أمل كداب
مع الأيام تكون نزوة بالنسبالها
قوام تنساك
وعقلى يقولى صارحها
ولا تعيشها لحظة وهم
هتبقى انتا إللى جارحها
وهى إللى رمياك بالسهم
 
يا أهل الهوى ايه الحل دلونى
اصارحها ولا تلومونى
مبقاش فيا مكان لجروح
ايه الحل جاوبونى ؟؟؟؟

" طائر الأحزان "
حمدي منصور