..

                  ((  حاولت  ))

                حاولت كتير اقولهالك
                  من خوفي مقدرتش
                   صبرت نفسي كتير
                  وقلت بلاش اخسرك
                         حاولت أقولك
                          ع اللي جوايا
                           واد ايه بفرح
                          لما تبقي معايا
                       وكنت اتمنىٰ يوم
                          تكمل فرحتي
                   وتبقي دنيتي وسمايا
                           (( حاولت ))
                    حاولت كتير يا قلبي
                               أصبرك
                         أتاري البُعَدْ عنه
                                محيرك
                    وحبه اللي ساكن فيك
                             لسه مسهرك
                   حاولت كتير عنه ابعدك
                    لقيت البعد منه بيقربك
                              (( حاولت ))
                        حاولت أصبر قلبي
                              علىٰ غيابك
                              وقلت أمتىٰ
                        ألاقي صبر يصبرني
                               علىٰ فراقك
                     وخلاص عرفت يا قلبي
                            ان الغرام صابك
                              صبرك يا قلبي
                              ولا صبر أيوب
                               بتوهم نفسك
                           انه ف يوم هيعود
                              طب ليه بتنكر
                             انه ده المكتوب
                             وبقيت يا قلبي
                             دايب منه دوب
                              تايه في الغربه
                                 بين القلوب

                        الفيلســـــــوف العاشــــــــق
                             حســــــــن هاشــــــم

                             10 مارس 2018