_____________ أكره الكراسي ________

الصورة خلتني أكره الكراسي
في أي  زمان  وأي مكان
وأكره الموقف السياسي
اللي بيدفع تمنه الغلبان
لما حقوق الغلابه تضيع
والكل عنهم غافل وناسي
وذنبهم في رقبة الجميع
والحل عاجل مش دبلوماسي
لأن الواقع مر وفظييع
والالام تنحر جسدهم
وكل دقيقه كلام وكلام
وكل يوم بيزيد عددهم
لا رحمه     ولا  إهتمام
شاربين المر من كيعانهم
راضيين بالواقع والألام
ولا حد حاسس بألامهم
ولا قرب منهم بإحترام
ولا في يوم شم عرقهم
وحس     مره   بالأيتام
واللي في الشارع قدامهم
نايم علي الزباله بسلام
والأعيان عايشين لحالهم
كافيار  وعطور  وإعلام
والحضيض مش ف بالهم
مانشيتات عشق  وهيام
من سنين وسنين بتتقال
مرسومه    بإيد    رسام
بروايز فيها سحر وخيال
والصوره  جواها   قسوة
شافوها    مليون      مره
محركتش  فيهم  النخوة
ولا مالوا  ليها ولو  بنظرة
ولا حركت جواهم المشاعر
ولا فتحوا    كتاب   الله
ونسيوا كمان إن ربنا  قادر
في ثانيه   يزلزل  الحياه
وفي الأخره مفيهاش خاطر
ولا سلطه ولا قانون ولا جاه
وكل شيء مهما طال له آخر
والحساب بالأعمال مش بالصلاه
______________________________

............إحساس حسن الشوان ........