* ((**ماتت مراتى **))
** ** ** ** **
ماتت مراتى خلاص
مات معاها الإحساس
وكمان راح الإخلاص
دى كانت فى قلبى وحيده
كانت فى حبها فريده
وف عز ضعفها شديده
كانت جمبى تملى
وكانت ديما تقولى
قوم يلا إتوضى وصلى
ماتت مراتى
كان قلبها ديما حنون
وف غربتى عنها تصون
كان حبها ليا جنون
مش شايفه حد تانى
وكنت أنا أنانى
قلبى مع حد تانى
ماتت مراتى
كانت ديما تقولى
أنت فى قلبى تملى
أنت شمسى وضلى
وكمان وردى وفلى
كات مستحمله ظروفى
برمى فى حضنها خوفى
راحت منى مراتى
طب أشكى لمين وأفضفض
وهيا اللى كانت تطبطب
ولحضن مين راح أهرب
بعد رحيلك يارفيقتى
إكتشفت إنها ماكنتش
((بس زوجه))
كانت صديقه وحبيبه
منى ديما قريبه
أيو دى هيا الحقيقه
كانت صافيه بريئه
جمبى فى كل دقيقه
ماتت مراتى
كانت ليا الحنان
وكمان بر الأمان
أناكنت فين من زمان
كان لازم تحصل مصيبه
عشان أعرف قيمتك ياحبيبه
وانك فى قلبى وحيده
أصلك ياقلبى فريده
ماتت معاكى الطيبه
راحت منى مراتى
واتغيرت كل حياتى
** ** ** **
كلماتى
فاطمه عبد الشافى
