..
(( رُبَاعِيَّاتْ الزمن الجميل ))
(( بحروف أسمك ))
غنيت بحروف أسمك
لحن الخلود
وقلت يمكن يحن قلبك
واكون انا الموعود
شوفت فعيونك
كلام وحكاوي
وبقيت انا فحبك
هاوي وغاوي
سهرت الليل
اناجي طيفه علىٰ نار
وقلت يا ليل
انا منه دليلي احتار
حكيت للناس
حكايتي معاك
واد ايه كان قلبي
بيترجاك
انا مهما شوفت
كتير في الكون
ومهما عشت
وعاشرت
من البشر مليون
عمري ما اخون
وهفضل بحبك
وبعشقك انا مجنون
قصتي معاكِ
علىٰ الجبين مكتوبه
ومهما تعبت منك
عمري ماقول توبه
ومش ممكن ابداً
اهد العش
اللي بنيته وياكِ
طوبه طوبه
حلف قلبي
وقال إنك
أملي وحياتي
ضعتي مني
وضاعت كل حياتي
وبردوا لسه بقول
وبعترف إنك
الوحيده
بقلبي وحياتي
الفيلســـــــوف العاشـــــــــــــــق
حســــــــن هاشــــــم
19 فبراير 2018
