........ قطر الحياة .......
يا قطار ياللى رايح
والنبى بلاش فضايح
خلى دمعى جوا عينى
ده اللى جى واللى رايح
كلهم شايفين دموعى
وانت قلبك من حديد
كل يوم تاخد حبيب
سبتلى هم تقيل
تبقى انت والزمان
انت بتشيل الغوالى
والزمان ماسبش حالى
كل يوم فى نقصان
نقصان وحرمان وانت
بتزيد المواجع وانت جى
وانت راجع تخلى دمعى
عمال يسيل
واللى يفرح واللى يشمت
وانت ما لكش مثيل
فرقتنا وانت تزغرد
مبسوط بركابك كتير
........ صبرى الواحى ..........
