======= صعب عليك =======
صعب عليا وصعب عليك
مش بإيديا ولا بإيديك
تنسى يا قلبى وترجع تانى
للأحزان دى تحوم حوليك
عمرك ما تعلمت يا قلبى
وسايبهم يتعلموا فيك
تفتكر دى ملاك وفجأة
تبقى نار بركان عليك
كانت يوم فى حبك دايبة
وتقول عمرى ماكون غير ليك
فجأة تلاقى الدنيا اتقلبت
وحبيبك دا بيسخر بيك
آل إيه آسف مش راح ينفع
لا تكون ليا ولا كون ليك
تحس بطعنة غدر وجتلك
فى قلب قلبك ماتخليك
تهرب ماسك أملك فيك
محتاج هوا تفتح شبابيك
يمكن نسمة تجيلك وانت
فى آخر لحظة وتنجيك
أو تتهزهز دمعة ف عينك
تنزل منك وتهديك
شوفت ازاى أعمالهم فيك
حتى دموعى بقت ف عنيك
أهى أيام بنعيشها يا قلبى
صعبه عليا وصعبة عليك
*********#بنات_افكارى_احمد_سعيد
