جمال حلمي
خدي راحتك يادنيا 
‘‘‘‘‘‘‘‘‘‘‘‘‘‘‘‘‘‘‘‘‘
خدي راحتك يادنيا 
على الأخر 
وورينا العذاب الوان 

وأتدلعي.. برضه على 
راحتك 
وسوقي ف العوج 
كمان وكمان .......
ورقصينا يادنيا ولايهمك 
زي مابترقصي 
القهوة في الفنجان 
وخلي أحلامنا الجميلة 
كمان 
كلها مش بعضها 
بخار ودخان ..............
أصل التمني فيك يادنيا 
طلع وهم كبير 
جلب علينا الحزن 
والأحزان 
خلاص عشقنا فيك الزخم 
وعشقنا فيك 
كتر لطم الخدود 
على. الوجهين 
يادنيا ياما بنينا قصور في فيك 
ف عز نومنا 
وكل واحد فينا قال أنا 
السلطان 
لدرجة أننا أربكناك والأرض 
في كل مكان 
معلش يادنيا عشم الفقير ديمآ 
يشطح منه ويروح لأبعد 
زمان 
فيهم ناس ضربت الودع 
وناس ركبت حصان 
وناس غنت لحن جميل على أوتار 
الزمن 
وقالوا محلاك يادنيا الغرام 
وأنت دنيا ولا هنا 
وعارفه تلاعبينا كلنا لعبه 
القط والفار 
............ خدي راحتك يادنيا ...........
الشاعر والمفكر جمال حلمي