Med Mehdaoui
...........عَرس الدم...عامية
الزمَانْ رمَاني
فْ الثَّلث الخَالي
تخَلطُو عْلَيَّ لْوَانْ
حتَّى تلَعثَمْ لْساَني
ثُورالهَمْ هاجْ
حتَّى فاضّو كيسَانِي
نْشَر ظْفَاروُ 
فْ وَجْه النْهَار
خَلاَّ دَمُّو يْلاَلي
فَرحانْ بْ عَرس الذِّيبْ
اللِّي شَمسُورقْصَت
على طبَل الفَرحه
تنَادي وتزيد تنَادي
أجِيو مرَحبَا
عيشُو وَسط
الذيَابْ تَنجَاوْ
رَاه مبقَات خَرفَانْ
ولَّا كْبَاشْ بْ گْرونهَا
أَجيوْ نْعيشُو وَسط اللْيالي
نفتَرسُو الحَق 
قْبَلْ مَا يْسالي عرس الدَّمْ
وَسط الثَّلث الخَالي
وِيَّاك حنَا كْرامْ
نَهدِيو ضِيفنا كُلْ غَالي
رَاه دراكولا عريسكمْ اللِّيلَه
هديوْلو دَمْكُمْ
قْبَلْ مَا عَرسُو يْسَالي
وِي قَلَّبْ عليكمْ 
وَسط الدوَالي
محمد مهداوي