Hapip Aly
‏
( عاشق عنيه )
كنت بكتب بالساعات 
جوابات كتير مالهاش عدد
وابعت كتير واصحا وابات
مستني الي كان عندي سند
مهو لما سابني
قلبي تعبني 
والهم جوايا اتفرد 
وغصب عني
مهو مني 
حبه في وريدي ثبت
كتبت مره قولتله 
انا مش ناسيك 
والف مره بعتله 
اني شاريك 
بس السؤال الي مراودني من سنين
هو فاكر 
ولا هاجر 
ولاناسي 
ولا شوقي هو عارفه 
وبردو قاسي 
ولا ايه
طب هو راجع 
ولا قلبه لقلبي بايع 
ولا متي هفضل بالشكل دا 
عاشق عنيه