( مفيش هروب )
هو ليه فرضين حصار علي القلوب
ممنوع تحب 
ممنوع ترق
ممنوع تدوب
ممنوع تقول في يوم بحبك
او حد يسكن جوه قلبك 
ممنوع تعيش حبة فرح 
وكفاية بتشوف الغروب 
ممنوع تكون انسان جديد
ممنوع تكون فرحان سعيد 
ويا أما تبقي زيهم 
يا أما تبقي منبوذ عنيد 
طب نعمل ايه غلبت انا
ما الذنب اصله مش ذنبنا
وازاي نصبر قلبنا 
علي حب ساكن في الوريد 
مش بايدنا نحب نكره 
ولا حتي نحزن ونفرح 
مش بايدنا القلب يعشق
حد مش جمبك بعيد
ما الحب اصله إحساس غريب
احساس يهون اي غيب 
تخاف تقوله لاي حد 
يمكن يقولك كفايه عيب
وعشان كدا بتموت قلوب 
وتتقفل كل الدروب 
وتعيش كأنك حد ميت
والعيشة دي مفيهاش هروب
مفيهاش هروب