‏‎Hassan Zayri‎‏
ف ديك ألليلة 
ألحالكة
مني كانت 
عظامي هالكة
ندعي ونطلب 
ربي تخرج
جرتي سالكة
نهار خاطري 
لگى خاطره
شرب گلبي 
من سطل ألفرحة
حتى سكر
گلت الله على زهر
أليوم غادي نرتاح
نضربها بنعسة 
حتى للصباح
قبل مايسحى ألخاطر
ويخسر لي ألمنظر
مايخلليني نفطر
غير يفيق يتفكر
إيام ألضر 
ويخسر له
ألخاطر 
يرجع يخمم
ويفكر 
فگاع أللي 
داز عليه
واش كان واقع ليه
الأمة كلها ماحاسة بيه
لا من يواسيه
ولا إللي يسول عليه
كلشي هرب عليه
حتى ألنعاس مشى ليه
مسكين وحداني 
بوحده يفكر
خاطره خاسر
داك ألخاطر
الله يخلص 
أللي كان ليه سباب
حتى وللى معطوب
يدعي ويگول 
ياربي توب 
ياربي توب
نفيق راني مگلوب
درت شلة ذنوب
ف إيام الضر
مني كان خاسر ألخاطر
فاق وسحى
گلب علي سطل ألفرحة
وباقات فيا گرحة
ف قرجوطي مسرحة
لابسة كفن ألضحكة
تبكي وتنوح
صوتها مبحوح
عل ألخاطر الخاسر
قصيدة 
ألخاطر ألخاسر
بقلم حسن الزايري