======== بقولهالك بكل وضوح ========
انا قولت من يومها 
بس صوتى كان مبحوح
اوممكن اكون قولتها 
بس مش بوضوح 
او كنت يومها بافكر ؟
او يمكن ماكنتش مقدر؟
او ماكانش عندى الشجاعة 
انى اتهور؟ 
او كنت قلقان م العواقب 
اوكنت خايف م المتاعب
او يمكن ماكونتش هنا 
او حتى ماخلقنيش ربنا 
انا كنت فين 
وليه اتحرمت من الهنا ؟
لكن ادينى اهو بقولهالك 
بكل وضوح
وبردو متأكد ان صوتى 
مهوش مبحوح 
بقولهالك وبعد سنين 
من التفكير 
واظن ده كفايا يكون 
عندى من التقدير 
بكل جراءة 
وباتعشم ف ربى خير
يعينى عليها واقولهالك 
لاخر العمر
ويجعلنى للباقى من حياتك 
حلاوة المر 
واعيش اقولهالك بصوتى 
حتى او بالهمس 
والمس مشاعرك بيها 
ياحبيبتى ده اجمل لمس
وبشرط اقولهالك 
وانا جنبك
هاعيش العمر وهاموت 
وانا .............. بحــــــــــــبـــــــــــــك