،، هو فى ايه ،،
الناس جرالهم ايه...
مخهم فوت والا ايه...
هو لم نستر حد يبقا عيب...طب ليه ؟
مالنا ومال الناس نتكلم عليهم ليه 
متخلينا فى حالنا يابيه...
مش لازم لم حد يغلط نفضح الدنيا بيه..
ونفضل نجيب فى سيرته ونتكلم عليه...
بس ممكن ندعيله ربنا يهديه...
عمال بتسأل وعاوز تعرف عيوب الناس ليه...
متكنش بتشمت؟طب ماتشمت هتاخد ايه..
دا الشماته حرام وكلامك هتتحاسب عليه...
ياخي دا ربنا بيسامح عباده انت تطلع ايه..
خليك فى حالك وشوف عيوبك انت ايه..
وسيبك من الناس بدور فى خطاياهم ليه...
دا اللي بيستر اخوه العبد بيستر ربنا عليه...
افهم كلامي واعمل يابني بيه...
احنا مش دايمين دا كلها يومين..
وفى رب اسمه العدل كلنا هنقف بين ايديه..
والقبر داخلينه وجسمنا الدود هيتغذا عليه..
وفى صراط مستقيم كلنا هنمشي عليه...
واحفظ كلام ربنا وشوف ربنا قال ايه...
اللي يستر اخوه استر انا عليه...
ياصاحبي سيبك من الناس بدور فى خطاياهم ليه
خليك فى حالك وشوف عيوبك انت ايه...
هو فى ايه
بقلمي #محمد عبدالعال الأقرع