(( قوموا نسبح خالقنا ))
أشرقت شمس الصباح 
قوموا نسبح خالقنا 
ونستمتع بنور الشمس 
يلي منور دنيتنا 
نلبس بهمة ونشاط 
بسرعة ننجز شغلتنا 
الحركة بركة يا اخوان 
الله يبارك حركتنا 
........................
قوموا نسبح الرحمن 
وندعي يزيد برزقتنا 
ويعطينا قوة وايمان 
ويزيد بصلابتنا 
ويهدينا طريق الخير 
حتى نساعد اخوتنا
الرضا ومحبة هالناس 
هنن أكبر ثروتنا 
........................
قوموا تا نزور الأصحاب 
ونزيد معهم إلفتنا 
ونتسامر مع الأحباب 
ونهديهم محبتنا 
يلا نزرع بذر الخير 
تا يكبر بديرتنا 
وياكل منو حتى الطير 
ويرفرف بضيعتنا 
........................................
ملك الأصفر