اتطلعت بعيونها شو فيها حكي 
عم تبلع بريقها مدري ملبكي 
زغردت وردات الخدود من كثر الغرام 
ونشرت عطورها بلونها الليلكي 
زغردت واحمرت من كثر الخجل 
وصارت الوردات تدعي للقبل 
وعيون مذبلة كلها امل 
ورموش من سحرها ترد وتشتكي 
ترد الروح لقلب لامل بكرة 
وتشفي الجروح من كل حسرة 
وصارت عيوني تراقب النظرة 
وترقب الغمزات بساعة متكتكي 
تلاعب الهداب وحسن الشفايف 
والوجد يبعث النهدات هفايف 
صار القلب ينبض بسرعة شو خايف 
تمرق اللحظات ويخلص الحكي 
ابو سميح سلمان زهرالدين