لسه مش عارفه إنتى أيه ؟
بقلم .شحات عثمان كاتب ومحام
إنتى اللى نظرة عنيكي حكايتي .........
ودمعة عيونك ترسم فى الكون نهايتي..........
إنتي اللى بآشوفك فى يومي بدايتي.......
إنتي قرة العين وشايفك حبيبتي..........
لحظة حزنك فى الوتين بترسم تعاستي.......
يا بدايتي ونهايتي أبدا عندى ما هونتي......
ولأخر عمري أوعدك هتكوني بدايتي........
سيبك من اللى راح وكوني خليفتي........
يمكن مكتوبلك تشيلي فى يوم حكايتي.........
وفى الكون تقولي هوه ده اللى كان بدايتي .......
لسه مش عارفه إنك حبيبتى ؟
أسالي الليل والويل وشقاء عمري من بدايتي.....
هتعرفي إنى علشانك رسمت حكايتي......
وقبلت الويل والضيم والسبب أنك وليدتي.......
يا تري حاسه كلامي ؟!
وشايفه صدق المعاني ؟!
ولا لسه حائرة فى عنواني ؟!
هسيبك ليوم تعرفي فيه إنك كل الأماني......
وأنك حبيبتي و أول وردة فى بستاني.....
ومصدر سعادتي وأحلامي .....
لأنك بإختصار فوق كل المعاني ......
يا بنت الروح ونعمة ربي العالي..