إكسر قيدك قوم واتحرر 
زمن الذل ﻻزم يتغير 
شرفك شرفي عرضك عرضي 
وجعك وجعي مرضك مرضي 
ليه بإيديك أوطان تتدمر 
ما تقول سني ﻻ تقول شيعي 
الدين جنة ربيعك يعني ربيعي 
مسلم كنت إنت وﻻ مسيحي في القدس ضريحك وضريحي 
عمرنا واحد ربنا واحد سمعت في عمرك رب اتغير 
فين عزة نفسك وكﻻمك 
تحرير القدس كان أحﻻمك 
لعبوا بعقلك يا واد حكامك 
مسحوا الحلم الحلم تدمر 
كفاية بقى نوم وتخدير 
بأسم الدين كفر وتكفير 
أسم الله سلم مش لتفجير 
ليه بتسمي بأسمو وحزام ناسف تروح مفجر 
بأسم الدين للحقد باعوك 
بحور الجنة ضحكوا عليك بحواري الجنة وعدوك 
نسيت نفسك أمك وأبوك 
همك قصر ف جنة تعمر 
عقلك سبتو بعتو للشيطان 
قتلت ف قلبك اﻹنسان 
وبفكرك دا هو اﻹيمان 
فوق من وهمك يا ابني عملك ما عملو طفل صغير
دمرت بﻻدك بإيديك 
عقل اتخدر زاغوا عينيك 
قلب اﻷم بيدعي عليك 
يا حليف الشيطان اﻷكبر 
أنا خيرتك وطنك شرفك 
عاوز الجنة القدس طريقها 
يﻻ معايا القدس نحرر
~ • ~ • ~ • ~ • ~ • ~ • ~
كتبتها بلهجة أم الدنيا مصر وقصدي ما أخذ بالقوة ﻻ يسترد بغير القوة ( علي درويش خليل ) حاف بدون خبز