==== حواء ورحلة كفاح==قصة قصيرة===
بسم الله ابتدى وبلصلاة على النبى احكى قصتى
القصة قصة كمال والحاجة حسنية
وابنهم عادل كان ليهم من الرحمن هدية
كمال وحسنية التقى والصلا ح عنوانهم
وعادل يادوب شهور واهو بيلعب اما مهم
الاب من الشغل للبيت والام متاصلة فى شغل البيت
خادمة بيتها واكلها تعملة باديها
طباخة اصيلة ياعينى عليها
وقفة فى امان الله بتعمل الاكل ياولدا ه
هبت النار فى وشها وعنيها
واتشوهت والقدر ماسمى عليها
راح جمالها فى غمضت عين
والحبايب يضربو الكف على الخدين
خدها كمال وجرى بيها على الا طبة
قالو كلهم الحرق فى الوش متين
رجع يندب حظة وحسنية تقول الرحمة يارحيم 
عدت سنة ورا سنة وكمال يقول كفانى من الحزن انا
عاوز اتهنى بجمال تانى
فلوس و صحة ولا فيش حاجة نقصانى
طلق حسنية ورماها وجة عليها وعلى ولداها
وبص بعينة لقى غزالة شاردة
حلوة جميلة متزوقة اسمها شادية
كتب عليها وعاش معاها واتهنى
وافتكر انة خلاص فى الجنة
نرجع ونشوف حسنية 
كانت من قسوةالفقر للموت متمنية
ولدها معاها ولسة صغير
عاوز ياكل ويتعلم فى زمن مرير
راحت تسال كل بيت احسان 
فية الى يدى وفى الى يطلع جبان
لكن استحملت وربت ابنها على الايمان
وكبرعادل واتعلم وبقدرة الله
دخل الطب وكان دكتور يامحلاة
والام شكرت ربها فى علاة
على نعمة الصبروتقى ابنها وهداة
عادل عجبتو زملتو فى الكلية
بنت اصل متربية اسمها سمية
قالها عاوز اخطبك قالت لة 
هات الام واوديك لبيتنا على عنية
خد امة وراح يخطبهاوسعات ماالبنت شافتها
قالتلة امك دى فى عنيا وهديتى ليها
ارجعلها جمالهاوضكنها تنور وشها وعنيها
اصلهافى التجميل ملهاش مثيل
وعملت العملية ورجعت حسنية حورية 
واتزوج عادل بسمية واتهنت فى وسطهم حسنية
ونرجع لكمال ونشوف باقى حكايتة
ماشى فى طريقة يعاكس كل الى تقابلة
بص بعينة لقى واحدة جميلة
واقفة فى الشارع لاولدها مستنية
ماالواطى واطى ومش مكفياة التانية
قالها ياجميل رمانى الهوا
ودة شيء مش باديا ياالمظية 
لفت وشهاعشان تشتمة
بصلها وسنح وتنح وافتكر الى كان
اصلهاحسنية حب زمان بزمان
والى باعة بارخص الاتمان
قالتلة روح ياشيخ ربنا مايحرمك من الجنان
برضة الى فيك فيك ياجبان
ابنك عادل دكتور وزينة الشبان
اوعة تخلية يشوفك ليعيش من عارك تعبا ن
وكفاية الى قساة معايا فى ايام الحرمان
وراح كل واحد فى طريقة
ماهو الى اختار ونساهم الامان
ودى كانت نهاية قصة الى ميرضاش بحكم الرحمن
 ==========نبيل الشضاوى===========