شو صعب
شو صعب ناديك ومالقيك
شو صعب من ورا شاشة خرسة ناجيك
شو صعب أيدي ماتلمس الأيد 
ودور عليك ومالقيك
شو صعب بعد العمر لي كان حضنك دفى
نتنفس نفس الهوى 
تصير التنهيدة عبر الشاشة دوا
وكل مأشتاق أكبس زرار مافيها روح 
وانتظر ردك لترد الروح
شو صعب خبرك أديش بقلبي جروح 
وأنت بعيد ياتوأم الروح
شو صعب تشوف اديش بعيوني دموع 
بمسحها قبل ما وجهك يطل من ورا شاشة مابتعرف تبوح
شو صعب أتجمل بضحكة كاذبة 
ونزف روحي مابتحتويه بحور
يوم يلي ربنا بيأذن بقربك كون 
رح اشكر الشاشة يلي خبت وراها الهموم
وخلت عندك وعندي صبر أنه رح نلتقي  بشي يوم
ميرفت داؤد