شنطة سفر
يطول الأنتظار... في محطة القطار.
وموعد الوصول...مع طلوع النهار.
ناس كتير واقفه...متشيكه ورايقه.
كل واحد فيهم.......بيفكر ليل نهار.
أمتىٰ يجي القطار.. ...وأفرح وأتهنّا.
وجنب كل واحد..........شنطة سفر.
شنطة سفر مليانه بحاجات كتير.
إيشي بجامه ودي جلبيه وكام غيار.
ودي بدله اخر شياكه أشترتها للعيد الكبير.
طبعاً لازم أعمل حسابي أصلها تبقىٰ
رحله طويله مع .......(شنطة سفر).
________________________________
 في اي رحلة....... بنعمل حسابنا
من زاد وزواد......وما لذ وطاب.
أصلها رحله .......في دنيا فانيه.
في رحلة الحياه..محطات كتير.
نجري ورا الشهوه والمال والعزوه.
شايلين علىٰ كتافناٰ حمل السنين.
وآآآآآه عليك يا حزين من حمل السنين.
ماشي تجر في رجلك مع شنطة سفر.
___________________________________
 في رحلة الحياه... بننسىٰ روحنا.
ننسىٰ أن ف يوم.. حساب في الاخره.
مش محتاج...... ل شنطة سفر.
محتاج لذكر ..واستغفار بالسحر.
محتاجين نفكر شويه بعقل.
بين الجنه وبين النار
(شنطة سفر).