رسالتي ليكي ياام ولادي
ياام التوب الاخضر 
ياام الشعر النادي
سلامي ليكي ولولادي
ياسين وعبله وعبادي
وسلام خصوصي والنبي
يا فاطمه لولد عمي الواد حسنين
اوعي يافاطمه تتعبي في 
يوم مالايام واي فلوس تعوزيها
يا فاطمه روحي البيت لخويا
متولي جوليله اخوك غباشي
بعتلك فوج مرساله سلام
من جمعتين يافاطمه وبالتأكيد
في جوابي السادس بعتلك مرسالي
يافاطمه وكان جواه جنيهين
فاكره يافاطمه اول يوم رحت 
فيه اسيوط جلتلك أسيوط هاديه
ومافيها سكان اتاريها يا فاطمه مغاره
كبيره وفي كل حته تلاجي تعبان
اخر الشهر راح اجازه يومين
مش راح اجيهم لانك عارفه
المصاريف من هنا لهناك
ودوشة جطر ووجع ادماغ
لكن اخر السنه دي راح أخد
اجازه شهرين واجي واطبع
علي خدك بوستين ومش راح
ارجع تاني يافاطمه لو ادوني
حتي الف جنيه
كلمات
د/عادل ابو محمد