العفريت
كان العفريت ييجى ف الضلمة
فنولع نور
بقت العفاريت كترة وزحمه
فى الدنيا شرور
عفريت الغلا ويا اللقمة
وانا فيه محسور
ومرض عفريته مطوقنى
وجناحى مكسور
ودروس خصوصية بتخنقنى
وابات مقهور
وحكومة يوماتى بتحلبنى
وانزح مجرور
كتر الفواتير بتدوبنى
والدنيا حرور
عفاريت الدنيا تخوفنى
مع كتر النور
عفاريت الضلمة اهى صاحبتنى
ويوماتى تزور
فيه شيخ وبعمة يجاوبنى
عن عيشة الزور
عفاريت الجان ليه تصاحبنى
وابات مستور
وعفاريت الانس بتغصبنى
اسرق ف بخور
مصطفى قمر