ياعقلي يامجنوني
يازهري ياميموني
ياعشقي المشبوه
مالك صفر ليموني
واش الدم سفوح
غصبوا براءتك ماعلموني
 واللي ف الصبا جمعوه
ياعقلي يامجنوني
ياسري المعتوه
مال حرفك كاموني
واش المداد مسحوه
لغموا فمك مااحترموني
 واللي ف الغابة حطبوه
ياقلبي يامغبوني
ياحسي المندوه
مالك حزين ف عبوني
واش الجرح دملوه
خنقوا عروقك وعدموني
 واللي بنيتيه طيحوه
ياحبي ياحنوني
ياشوقي المتيوه
مالك دموع فعيوني
واش الهمس سجنوه
بغيرتي لاموني وتهموني
 واللي تلف كنشوه
بقلم ادريس جبيلو
المغرب