يازارعين الورد لاتنسو حبيبي 
ولاتنسوا تزرعوا منو الطيبي 
بيعبق الورد من حسنو 
ومن جمالو بيصير الزهر حدو بلاهيبي 
بيخجل الجوري من لون وجناتو 
والجلنار بيموت بحسراتو 
اما الفل ياويلو من نسماتو 
والياسمين بينده بتعذيبي 
بيجن التراب اذا داس ومشى 
وبيجن العشب بصوت الخشخشى 
وبتنده الاشجار بحفيف الوشوشى 
والشمس من نورو تخجل وتغيبي 
والنحل يتراكض ليصنع العسل 
بيسرع على الوجنات وكلو امل 
وبيعمل من رحيق الشفايف من القبل 
اطيب شراب دوا شافي عجيبي 
يازارعين الورد هيك ربي امر 
هذه اوصافو بكل الصور 
بصورة ملاك مكون من بشر 
يازارعين الورد هيذا حبيبي 
 ابو سميح سلمان زهرالدين