جارى التحميل
استخدم زر ESC أو رجوع للعودة
..يوميات فلاح مصرى..
صاحى من ساعه الفجريه
وأهى ليلت الدنيا عليا
برويلك قمحاتك يا بلادى
وشمسك كات حاميه عليا
ورزقك فى الآخر مش ليا
وقمحك سرقوه الحراميه
دا من ارضك ورمت رجليه
و فلوسك دايما منهيه
ما معايا حق الأدوية
واللحمه يا دوبك شهريه
واكلك طالع من أيدى
وخيرك على طول مش ليا
وازرع وبيحصد بهواتك
حبه عدل يا مصر شويه
خدنا فى محو الاميه
زرع حصد
فين الكلمه دى يا بلادى
ولا المنهج كله اتغير
وبقينا قالبين الجلابيه
وازرع وحصيدك مش ليه(وائل عمر)
المصدر: قصيدة بعنوان (يوميات فلاح مصري ) للشاعر الكبير \ وائل عمر
