( صدقيني ) 

‏كل كلمه نطقها قلبي 

صدقيها 

وشيلها عندك جوه قلبك 

واحفظيها 

يمكن هيجي يوم علينا

وندور عليها

ونبص جوه في القلوب 

ونلقيها

وتبقي فرحة تبسم وشوشنا

اللي ماليها 

غير كلمه حلوه مفرحنا

بماعنيها 

ايوه بقول اني بحبك 

مقدرش اخبي

ومتساليش ايه السبب

لأنك في قلبي 

واما سكنتي في الوتين 

مكنش زنبي 

معرفش ايه اخر الطريق

ويمكن اكون انا فيه غريق

بس اللي حاسة مقدرش اسيبك

صدقي قلبي البريئ

كل اما بسرح

بلاقي صورتك جايه تنادي

وتاخدني من نفسي وحالي

ونروح لوادي 

اخضر جميل مليان ورود

ومعاكي فيه بنسي حياتي

ومتزعليش مهما حصل 

هفضل احبك مش بيدي

اهم شيئ تبقي بخير 

وهو دا الاهم عندي 

ولو بعد بينا الزمن

متنسنيش 

خليني ذكري جميلة عندك

ومتقوليش 

ان اللي بينا كان سراب

لاء دا اللي بينا حاجات تعيش

وصدقيني لما اقولك 

ان الحياه من غيرك انتي 

متسويش 

اصل اللي حابك هو قلبي

وحبك في قلبي راح يعيش

#حبيب_علي