جارى التحميل
استخدم زر ESC أو رجوع للعودة
ق/بعشقك والقلب حَبكِ
ك/أحمد عبد الرحمن صالح
إوعديني بشوق وفرحة لما أقابلكِ
نفسي اسكن حلم دافي جوه قلبكِ
مفتكرش بإني عشت في لحظة قبلكِ
نفسي أهرب من زماني جوه حُضنكِ
عمري ما اقبل يوم بغيرك ولا بِعدكِ
عمر قلبي ما ينسا ثانية
عشت فيها ليالي بُِعدكِ
.
الدموع كانت تخُني لو جي حد سألني عنكِ
قلبي حبك وبإرادة جه بصاحبه لحد عندكِ
إغفـرلي ليالي آسيـه كنت بنساها في قُربكِ
غصب عني كنت بقسى رغم إني تعبت بعدكِ
لو في يوم قلبك خاصمني
مستحيل اقدر اخاصمكِ
.
يمكن ابعد لو ثواني بس هرجعلكِ واعاتبكِ
مهما يحصل يوم ما بنا هتلاقيني جنب منكِ
في الجراح قبل السعادة قلبي دايماً يبتسملكِ
والليالي لو تعادي هتلاقيني في ثانيه جنبكِ
.
إوعديني مهما يحصل
إني أفضل جوه قلبكِ
بعشقك والقلب حَبكِ
قلبي مشتاق يوم يضُمكِ
بعشقكِ وكمان بحبكِ
كلمات/أحمد عبد الرحمن صالح
