لفرحتك يفرح قلبى ولبسمتك ترقص عينى
وان شفت دمعة فى عينك يوم تكون فى قلبى جمرة
تسأل عنيا حبيبك فين واسألها ..تصبر .. تستنى
وتبكى بدل الدمعة اتنين ويرد قلبى يطمنها ..
ان كان حبيبك عنك غاب فهو ساكن جوايا
مهما الزمان يبعد بينا بحس بيه وبشوفه كمان
ولما يجى معاد بينا تسابقنى عينى لرؤياه
واحس قلبى بيتنطط ويغنى من كتر الفرحة
يا محلى أيامى فى قربك ويا غلبى من بعدك عنى
امتى الزمان يجمع بينا وحياتنا تبقى من الجنة
حبيبى .روحى .ونور عينى
وكل ما املك فى الدنيا
بقلبى وروحى افديك وارويك من دمع عنيا
واخلى ايامى شموعك وسنينى فجر بيستنى
تفتح عنيك عليها وتشوف كل ما تتمنى
تشوف بسمة وفرحة فى يوم
ويوم تغنى وتتهنى