اذن دخول  طول عمرك رسمانى ف ورقة  رميانى ف قلب دوسية  سيبانى كتير ع الرف  ولانى بحكم البعد  مليت وقرفت  من كتر ما ندهتلك عيني واستأذنت الافكار  وطلعت لفوق ع الوش دلوقتى صحيح كان عندك حق  دا كفاية انك سيبانى ف قلب دوسية  مانتش رمياني ف شارع مليان إشاعات الشارع طافح كيل  الكيل بيميل على كفة صاحب الكفة  وعريس معزوم ع الزفة  وبنات الليل بتفيض ضفايرها بعفة  والبنت الابسة حجاب تندب ف عينها رصاصة الكون متشقلب حالة ف تصويرك  وضميرك سايب درج المكتب يحكم  يحكم ماتحكمشي  ماتحكمشي يارب على غيري يدوب ف هواها  مانا عارف إنى هشيل الذنب معاها  دلوقت اتوضي بميه شربت منها  وهصلي وراها  تراتيل  تراتيل الليل بتفيض  ويعيد شيخ الجامع نفس الخطبة  ويوصى المؤتمين بصلاة الفجر  عنوان الدرس لساه مكتوب  من عمر ما كنا عيال ف الحارة  وبقينا شباب  وقفين ورا كل الابواب  نستني  اذن دخول