جارى التحميل
استخدم زر ESC أو رجوع للعودة
حلم مجهول النسب
لو مرة بيها يصرحوا
لو من جنانهم صرخوا
يسن ليلهم كل انياب الغضب
وانا وانتى وسط الناس حطب
يتدفوا بينا ف الحكاوي
يكتبونا ف الغناوى
حلم مجهول النسب
واحنا اللى لما ف يوم شطح بينا الامل
متمنيناش غيرك وطن
علشان ف صدرة نرتمي
ونفيض بكا
نغسل بعادنا يضمنا تانى الطريق
لكن الحياة
دى تملى اصدق مننا
ان الزمن كداب
لو يوم يداوى جرحنا
ومن عمانا
بقينا غصبا عننا
قربان لارضاء الكلاب
اللى استباحوا لحمنا
ووزعوا فينا العذاب
حتى النهار لما طلع
قطعوا وريد الشوف ف روحنا
ومليوا عينا بالتراب
عشان تملى يكتبونا
سطور تجارب كدبهم
ف صفحة مش موجودة اصلا
ف الكتاب
ساحة النقاش