بسم الله الرحمن الرحيم                                                           من عادة الناس فى المناطق الشعبية تكملة عادات  وتقاليد أبائهم وأجدادهم حتى وهم غير مقتنعين بيها ..مثل نقطة الخطوبة والجواز واللى ينقط  عيب يرد النقطة فى ساعتها وبنفس القيمة .. لازم تردها أغلى شوية ونفضل ننقط فى بعض لحد  ما منجوز كل العيال ولحد ما تخلص كل المناسبات والمجاملات وأنت ورزقك ياترجع النقطة ...يايتنصب عليك لماذا الناس لا تحب الزى لا ينقط ولو جامل بهدية تتعمل مواضيع مش هية ..ولو كبر وعمل مش واخد بالة ومش سامع يقولوا علية بخيل .. بخيل لية هو فى حد بيدى عيالة هدية ..وبالتالى يبتعد عنة الاقارب والجيران والاصدقاء ..ولا يجاملوة فى أى مناسبة هو يعنى الناس مينفعش تسأل على بعضها إلا بنقطة وبمناسبة ،أما تحديد موعد الافراح مش عارفة لية لازم دايما يتحدد فى العيد وجيب جميع الازواج بيكون مخروم من كثرة مصاريف شهر رمضان على الاكل وملابس العيد أذن النقطة حاتيجى منين ولما نروح الفرح فى قاعة  نلاحظ إنقسام أهل العروسة والعريس لفريقين فرقة على الشمال وفرقة على اليمين يعنى علشان ميتعركوش  ،وفى أخر الفرح نلاحظ أن الكل أتعارك على الجاتوة!! طب لو العروسة أهلها كلهم  ضحايا أحدى السفن الغارقة ومنجاش منهم واحد أو أتنين لية الفضيحة لاحدى العروسين هو مينفعش تنضم الكراسى كلها على بعض دون تميز  ....ياترى مين اللى أخترع النقطة ..وهل النقطة حلال ولا حرام ؟