الصبح إتأخر
( الاحساس العام قبل وعقب الاستفتاء على الدستور )
للشاعر مدحت عطية

مصر رجعت
بس إحنا لسه
من جوانا مخطوفين
بنلملم فى نفسينا
فينا إلـ خايف
وفينا .. الحزين

والصبح إتاخر
بس إحنا
موجودين
فى نفس المكان
مش هنمشى
مستنيين

يا نرجع زى
ما رجعت
يا يموت فى
ضلوعنا
الحنيين

ساعات
وأيام عدت
إتهزينا
وحاجات كتير
إتهدت
كانت ثابته
فى إيدينا

إمتى يا صبح
يجى النور
فى عينينا
إمتى تقوى
الخطوة .. تحتينا

إمتى يا نهار
نشوف الوشوش
حوالينا
تعبنا
ومش عارفين
مين معانا
ومين علينا

فيه حد
عايز الليل
يطول
والصبح يتأخر
فيه حد
مستنى
الميه فى الأرض
تتبخر

فيه حد
وسطينا
نفسه ننام
ونشخر

الصبح إتأخر
طب حتى
يبعت حته
ضى
يبعت يقول
إنه هيتأخر
يبعت يقول
إنه جاى

يبعت شمسه
تدفى البرد
كل بيت
كل حارة
وكل .. حى
يبعت أى
إشارة
تقول أنى
لسه .. حى

إحنا شايفيين
ولا إلـ قدمنا
كومه
هنكتب بكرة
ولا هنمسك
جومة

إحنا نمنا
ولا جاية .. القومة
والصبح إتأخر
ولا راحت عليه
نومه

خطى
يا صبح السور
وإرسم بكرة
فى كلمة

تبقى شعاع
من نور
يهزم
كل .. الضلمة