جارى التحميل
استخدم زر ESC أو رجوع للعودة
نفسى (2)
نفسى فى عدل
فعل .. وقول
نفسى الظلم
همه .. يزول
نفسى الحق
عمره .. يطول
نفسى الدنيا
نهار .. على طول
نفسى الشمس
تيجى يوم .. عشانى
نفسى الليل
ما يفتكرش .. مكانى
نفسى الربيع
يكون .. أوانى
نفسى أملك
فى الوقت .. ثوانى
نفسى نحتاج
وش .. واحد
نفسى نبقى
بره وجوه .. واحد
نفسى عشان
بلدنا
نبقى .. واحد
ننسى مرة
حلم كل .. واحد
نفسى
لما توحشنى أمى
يرن .. صوتها
أحس بوجودها
أسمع .. سكوتها
نفسى فى جمالها
أو نعوتها
نفسى فى ملامحها
وقت .. موتها
نفسى فى بيت
عصفور .. بناه
وبإيده لملم
ضياه
نفسى لسانى
ما يقولش غير
الله
نفسى نومى
يبقى .. صلاه
المصدر: نفسى للشاعر مدحت عطية من ديوان ( الصدى )
