مشروعى الى الجنة زيه بالضبط زى مشروعى حتى اصبح مهندس او دكتور او اقامة شركة او مكتب او مشروع تجارى.

يعنى هو عبارة عن مجموعة خطوات آخرها انى احقق المشروع.

انا الحقيقه هنا ها اعرض مشروعى انا او نفسى يكون ده مشروعى.

المشروع عبارة عن خطوتين فقط لا غير:

الخطوة الاولى هى ان احدث لكل ذنب عملته فى حياتى توبة،،،، يعنى ايه؟ يعنى اعمل كراسة الكراسة دية ها كتب فيها كل ذنب انا عملته فى حياتى منذ ان بلغت حتى اليوم   واندم على هذا الذنب ندم شديد واستغفر الله من هذا الذنب وان كان هذا الذنب فى حق حد فسوف ارد اليه حقه، واقرر انى ان لن اعود اليه ابداً ما حييت وبكده اكون احدثت توبة عن هذا الذنب.

طبعاً كده يبقى نص المشروع اتحقق وكده يبقى كل اللى فات انتهى واتغفر واتمسح.

طيب الخطوة التانية،، الخطوة التانية هى انى لا اعمل عمل اياً ما كان الا بنية حسنه ، يعنى اى عمل اقوم بيه اياً ما كان لازم يبقى فيه نية،،،  يعنى الاكل... بنية التقوت على الطاعة ومحافظة على سنة النبى فى الاكل وخلافه،، الذهاب الى العمل بنية اعالة اهلى وبيتى واسرتى والحصول على مال حلال لاساعد بيه اسرتى واهلى واقاربى والملمسن،،، النوم حتى اريح بدنى فاكون اقدر على الطاعة مع المحافظة على النوم على سنة النبى صلى الله عليه وسلم،،، وهكذا اى عمل قبل ان اقوم به اقعد مع نفسى اولاً واستحضر النية او النيات الحسنة واللى آخذ بيها اجر، وبكده يبقى كل الحاضر والمستقبل لله وآخذ عليه اجر.

يعنى الخطة شاملة الماضى ومش بعيد ربنا يحول كل المعاصى الى حسنات، وكمان يشمل الحاضر والمستقبل وبكده يبقى المشروع او الخطة تمام التمام.

طبعاً الموضوع ده نفسى تشاركونى فيه، وتقولولى رايكم فيه.