ام الصابرين ....الاستاذ صالح إبراهيم الصرفندي

أم الصابرين 
وحشاني يا أم الصابرين 
ومين يقدر على بعدك
وحشاني 
كل ما بشوفك بتوحشنيني 
وبشوف الشوق على خدك 
وحشاني 
ووحشني نيلك 
وأرضك وزرعك
ومين في الدنيا
اله طيبتك 
يا أم الصابرين 
شفت وطفت بلدان كثير ومفيش 
زيك 
يا أرض الوفاء والجود والكرم 
والله ما في حد قدي
حبك 
يا نيل قولهم 
مين اللي سبح جواك 
وشاف عظم ودك 
يا محروسة 
يا ساكنة 
على البحرين 
ما في بلد مثلك 
نيل وأهرامات 
وأبو الهول 
وسماء وأرض 
والله حارسك 
مين يقدر على فراقك 
ولا حتى في يوم يزعلك 
يا أم الصابرين 
انت جوه العين 
وساعة الجد كلنا شايلين همك
أنا فداكِ 
وروحي على كفك 
أموت بس إنت تبقي 
حرة وخلي بالك على نفسك 
بكره أحلى 
وخيرك حيعم 
ونعيش في سلام أمنك 
يا أم الصابرين 
شايف الحزن من يوم ما ارجعت 
في حدك 
مين اللي خان 
ومين اللي نقض عهدك
سامحيني يا صابرة 
أنت الكبيرة 
ومتحمله 
طول عمرك 
الله على الخاين الغدار 
وكل من ظلمك 
احنا فداكِ 
وقلوبنا وكمان 
اولادنا ملكك 
ما حبيت ولا ححب في يوم 
أنا الك وحدك
أضحي بعمري وعمر عمري
ويبقى عمرك 
شاعر فلسطين : صالح إبراهيم الصرفندي