جارى التحميل
استخدم زر ESC أو رجوع للعودة
يلّا نحب
يلّا نملى بحر حياتنا مية حب
ويكون طعمه طعم الشهد
نصبغ لونه بلون الورد
بريحة الفل مع الياسمين
ولا يبقي حزين
وسطينا بجد
يلّا نزرع ارضنا حب
تلف الساقيه تطّلع ود
نرويها وتكبر قدامنا
واكيد راح نحصدها الغد
حب جيرانك حب صحابك
حب السائل لو علي بابك
حب طفولتك حب شبابك
حب اللون الابيض في شنابك
دي الايام عمّاله تتعد
حب وظيفتك لو تعملها
حب المكنه وقوم شغلها
حب الفاس علي كتفك شيلها
حب اقلامك قوي غنيلها
علي بابك حيدق السعد
حب الدنيا وافرح بيها
حب الحق الموجود فيها
حب الآخره واعمل ليها
خير في صحيفتك يبقي ماليها
قبل ما تسكن جوا اللحد
ويلّا نحب
محمود ناصر
المصدر: محمد الطيب
(مجلة عشاق الشعر)(1)(ممدوح حنفي)
ساحة النقاش